අලුත් අවුරුද්දට ඔබත් එක්ක ලිට්රෝ ගෑස් සූදානමින්.

අලුත් අවුරුද්ද කියන්නේ දවස් 365 කට සැරයක් එන එක දවසක් විතරක් නෙවෙයි. ආදරය, සතුට, සබැඳියාව සහ සංස්කෘතික අංගවල වටිනාකම මුළු ලෝකෙටම ඔප්පු කරන සුවිශේෂී කාලසීමාවකට.  ලංකාවෙ තියෙන ලොකුම  සංස්කෘති උත්සවය තමයි සිංහල සහ දෙමළ අවුරුද්ද. සිංහල දෙමළ කියලා ජාති දෙකක් තිබ්බට ජාති බේදයකින් තොරව ශ්‍රී ලාංකික සැවොම අවුරුදු සමරනවා. රටක් එකතු එකතු වෙලා එකම වෙලාවට ලිප ගිනි මොළවනව නම් ඒ සුවිශේෂී නැකැත් සාස්තරය සහ එකමුතු කිරිබත හදන්නෙ ශ්‍රී ලාංකික අපි.  

ලිට්රෝ ගෑස් ගෙදර නැතුව  නම් දැන් කාලෙ අවුරුදු සමරන්න  ලේසි වෙන්නෙ නෑ. මොකද අලුත් අවුරුද්ද කියන්නෙ අපේ රටේ ආහාර සංස්කෘතියත් සමරන කාලයක් නිසා ඉවුම් පිහුම්වල කෙළවරක්ම නෑ. ඒ නිසා කළින්ම ගෙදරට ලිට්රෝ ගෑස් එකක් ගෙනත් තියාගන්න. අවුරුද්දට කළින් කැවිලි හදන්න වගේම අවුරුදු දා ලිප ගිනි මොළවන්නත්, නෑ ගම් එන පිරිසට, හිතවතුන්ට ආදර සංග්‍රහ කරන්නත් තියෙන නිසා පෙර සුදානම් වෙලා ඉන්න එක ඇඟට ගුණයි. 

ඉතිං මේ ඔක්කොම ආගන්තුක සංග්‍රහ අතරෙ  "ගෙදර ගෑස් ඉවරවෙලා" කියලා ඇහුණොත්  ඉඳලා හමාරයි. 

අවුරුදු උයමන්වලදි නිතර ලිප ළඟ නිසා  ආත්ම ආරක්ෂාවටයි   මේ උපදෙස් පිළිපදින්න. 

✅ හැකි තරම් මද ගින්නෙන් පමණක් උයන්න. 

✅ ගෑස් කාන්දුවක් තිබේද කියා නිතර පරීක්ෂවෙන් සිටින්න 

✅ ගෑස් කාන්දුව සිදුවන්නේ කොතැනින් දැයි සිතා ගත නොහැකි නම් වහාම සිලින්ඩරය ගළවා එළිමහනකට රැගෙන යන්න. මේ අවස්ථාවේ දී එළිමහනේ කොතැනක හෝ ගිනි ගොඩක් හෝ නොමැති බවට වග බලා ගත යුතු වේ. දැන් සබන් ස්වල්පයක් ජලයේ දිය කොට සබන් පෙණ මිශ්‍රණයක් තනා සිලින්ඩරයේ මුව අවට ප්‍රදේශය පෙණවලින් වසන්න. එවිට කාන්දුව ඇති තැනින් බුබුලු නගිනු දැකිය හැකිය. ඉන් පසු මේ පිළිබඳව වහාම ලිට්රෝ ගෑස් නියෝජිතයා වෙත මේ බව දැනුම් දිය යුතු වේ.

✅ තෙල් තාච්චි ලිප තැබීමේදි වාතාශ්‍රය ඇති තැනක් තෝරාගන්න 

✅ හදිසි ගින්නකදී වහාම රෙගියුලේටරය වසා දමන්න.

✅ගෑස් කාන්දුවක් ඇතැයි දැනුණූ විට කිසිදු අවස්ථාවක නිවසේ විදුලි පහන් දැල්වීම හෝ දල්වා ඇති විදුලි පහනක් නිවා දැමීම සිදු නොකළ යුතුය. විදුලි පන්දමක් හෝ නොදැල්විය යුතුය. අඩුම තරමේ ජංගම දුරකතනය එතැනට රැගෙන ඒමෙන් වැළකිය යුතුය. 

✅ ගෑස් උදුනෙහි ගින්නක් ඇති වූයේ නම් කිසිදු විටෙක ජලය ඉසීමෙන් වළකින්න. වඩාත් සුදුසුම ක්‍රමය වන්නේ තෙත ගෝනියක් එය මතට දැමීමය. මේ නිසා ගෑස් භාවිත කරනා ඔබ නිවසේ ගෝනි කිහිපයක් තබා ගැනීම සෑම අතින්ම වැදගත් වේ. ගිනි නිවන උපකරණ තිබේ නම් ගෑස් ගින්නක සඳහා අදාළ වායුව ඉස ගින්න නිවා දැමිය හැකිය.

✅ ගෑස්වලින් ගින්නක් ඇති වන්නේ ගෑස් කාන්දුවකිනි. මේ නිසා වඩාත් හොඳම දෙය වන්නේ ගෑස් කාන්දු අනතුරු හැඟවීමේ උපකරණයක් උදුන අවට සවි කිරීමය. මේවා වෙළෙඳ පොලේ සාමාන්‍ය මිල ගණන් යටතේ මිලට ගැනීමට තිබේ.

හැමවිටම පරීක්ෂාවෙන් සිටීම ඔබේ ආරක්ෂාවට හේතුවක් බව අමතක කරන්න එපා. ගෑස් උදුන හා ගෑස් සිලින්ඩරය එකිනෙක සම්බන්ධ කිරීම සඳහා භාවිත කෙරෙන රෙගියුලේටරය හා ගෑස් බටය බොහෝ දෙනෙකුගේ වැඩි අවධානයට ලක්වන්නක් නොවන බැව් පෙනේ. ඇතැමුන් පදික වේදිකාවේ අළෙවියට තබා ඇති රෙගියුලේටර් සහ බට මිලට ගෙන භාවිත කරනු දැක ගත හැකිය. නමුත් මේ උපාංග දෙක අපගේ අවධානයට යොමු විය යුතුම දෙකකි. සාමාන්‍යයෙන් ගෑස් සිලින්ඩරයේ පුරවා ඇති වායුවේ පීඩනය ඉතා අධිකය. එය ආහාර පිසීමට සුදුසු ආකාරයෙන් අඩු කොට ලබා දෙන්නේ රෙගියුලේටරය මගිනි. බාල වර්ගයේ රෙගියුලේටර් නිසා මෙම කාර්යය හොඳින් සිදු නොවිය හැකිය. එමෙන්ම ගෑස් සිලින්ඩරය එය හොඳින් සවි නොවීමේ ගැටලු ද ඇතිවිය හැකිය. ගෑස්  යනු සුළු අත්වැරැද්දකින් පවා මහා විනාශයක් සිදු කළ හැක්කක් බැවින් මිලෙන් තරමක් වැඩි වුව ද ඉහළ ගුණත්වයකින් යුක්ත රෙගියුලේටරයක් භාවිත කිරීම සෑම අතින්ම ආරක්ෂිතය. හරිහැටි සවි නොවන රෙගියුලේටර බර යොදමින් ගෑස් සිලින්ඩරයට තදවන සේ තබා භාවිත කරනු දැකිය හැකි අතර ඒවා ඉතා අවදානම් බව පැවසිය යුතු වේ. එමෙන්ම කෙතරම් උසස් රෙගියුලේටරයක් වුව ද සෑම වසර පහකට වරක්ම එය මාරු කළ යුතුය.

ළඟ එන අවුරුද්ද සුබම වේවා!