ගෘහණියක් වන ඔබට ගෑස් භාවිතයෙන් ලැබෙන වාසි.

ලෝකය පුරා එදිනෙදා දෛනික කටයුතු සඳහා භාවිතා කරන ප්‍රබල ශක්ති ප්‍රභවයක් ලෙස LP ගෑස් හඳුන්වන්න පුළුවන්. අති සංකීර්ණ ක්‍රියා පටිපාටියක් යටතේ ගෑස් පිරිපහදු කිරීමෙන් අනතුරුව මෙම නිෂ්පාදිතය වෙළඳපළට පැමිණෙනවා. එයාකාරයෙන් ලොව පුරා ප්‍රසිද්ධ වූ LP ගෑස් වර්තමානය වන විට ශ්‍රී ලංකාවේ බහුතරයක් දෙනා භාවිතා කරන ජනප්‍රිය ශක්ති ප්‍රභවයක්ව තියෙනවා. ශ්‍රී ලංකාවේ සියයට 75 කටත් වැඩි පිරිසක් භාවිතා කරන්නේ ලිට්රෝ ගෑස් වීම විශේෂයි.

ඇත්තටම LP ගෑස් භාවිතා කිරීමෙන් එදිනෙදා කාර්යබහුල ජීවිතයක් ගත කරන ගෘහණියන්ට විශාල වාසි රැසක් උදාකර ගැනීමට හැකියාව තියෙනවා. දර ලිපේ ආහාර පිසීමේදී ගෘහණියන්ට අධික වෙහෙසක් වගේම අධික කාලයක් වැය කිරීමට සිදුවෙනවා. එම නිසාම ඔවුන්ගේ අනෙකුත් වැඩ කටයුතු කර ගැනීමට වේලාව වෙන්කර ගැනීමට ඉතාම අපහසුයි. නමුත් LP ගෑස් භාවිතා කිරීමේදී ඉතාමත් අඩු වේලාවකින් අඩු මහන්සියකින් ආහාර පිසීමේ කාර්යයන් සිදු කර ගැනීමට පුළුවන්. ඒ තුළින් ගෘහණියන්ගේ දෛනික කටයුතු පිළිවලට මනාව සංවිධානය කර ගැනීමටත් හැකියාව ලැබෙනවා.

ඒ වගේම දර වැනි ශක්ති ප්‍රභවයක් භාවිතා කිරීමේදී අධික කාබන් ප්‍රමාණයක් පරිසරයට එකතු වෙනවා. මේ නිසා සෘජුවම ආහාර පිසීමේ කටයුතුවල නිරත වෙන ගෘහණියන් ශ්වසන පද්ධති ආශ්‍රිත රෝගාබාධයන්ට මුහුණ දීමට ඇති අවස්ථාව ඉතාම ඉහළයි. නමුත් LP ගෑස් පරිසරයට කිසිදු අහිතකර වායුවක් නිකුත් නොකරන නිසා සෞඛ්‍ය ආරක්ෂිතව ආහාර පිසීමේ කාර්ය තුළ නිරත වීමට ඔබට අවස්ථාව ලැබෙනවා.

ඔබත් දර භාවිතා කිරීමෙන් ආහාර පිසීමේ ක්‍රියාවලිය තුළ නිරත වන ගෘහණියක් නම් අධික වර්ෂා කාලයේදී එය සිදු කිරීම ඉතාමත් අපහසුයි. ඒ වගේම දර වැනි දේ සොයා ගැනීමත් අපහසුයි. නමුත් LP ගෑස් සිලින්ඩරයක් ඔබ මිලදී ගත්විට මෙවැනි ගැටලු වලට මුහුණ දීමට සිදුවෙන්නේ නෑ. වර්ෂා කාලයේ වුණත් ඉතාමත් පහසුවෙන් ඔබට ඔබගේ දෛනික කටයුතු සිදුකර ගැනීමට හැකියාව ලැබෙනවා.

ඊට අමතරව වෙළඳපළේ කාටත් මිලදී ගත හැකි සහනදායි මිලක් යටතේ LP ගෑස් නිකුත් කිරීම නිසා, ඔබේ අතේ ඇති ගානට හිතේ හැටියට එල්පී ගෑස් නිෂ්පාදිත ලබා ගැනීමටත් හැකියාව ලැබෙයි. ඊට අමතරව කාන්තාවක් වන ඔබට වෙළඳපළට ගොස් ගෑස් සිලින්ඩරයක් මිලදීගෙන නැවත නිවසට රැගෙන ඒම අපහසුයි නම්, මෙම ගෑස් සිලින්ඩර නිවසටම ගෙන්වා ගැනීමේ අපූරු මෙහෙයුම් ජාලාවක් ලිට්රෝ සමාගම ක්‍රියාත්මක කරලා තියෙනවා.1311 දුරකථන අංකයට කතා කරලා ඔබේ නිවසටම ගෑස් සිලින්ඩරයක් ගෙන්වා ගන්න පුළුවන්.