හෙට සුරකින අපේ ළමයි අන්තර්ජාතික දැනුම මිනුම සහ කථික තරඟාවලිය අති සාර්ථකව අවසන් වේ
අනාගත ලෝකය තුළ ඉදිරි පරපුර නියෝජනය කරන්නේ ආදරණීය දරුවන්.ඉතින් හෙට සුරකින අපේ ළමයි වෙනුවෙන් කවදත් පෙරමුණ ගන්නා ලිට්රෝ සමාගම පසුගිය දවසක අන්තර් පාසල් දැනුම මිනුම හා කථික තරගාවලියක් සැලසුම් කළා.මෙම තරගාවලයේ මූලික අරමුණ වුණේ එල්පී ගෑස් භාවිතා කිරීමේදී ආරක්ෂා විය වියයුත්තේ කෙසේද සහ ඒ හරහා ලැබෙන ප්රතිලාභ පිළිබඳව ඉදිරි පරපුර දැනුවත් කිරීමයි.
ඒ අනුව ආරම්භ වූ අන්තර් පාසල් දැනුම මිනුම කථික තරගාවලියේ අවසන් මහා තරග පසුදිනක පැවැත්වූ අතර ඒ තුළින් දක්ෂ කථිකයන් සහ නුවණැති දරුවන් කොට්ඨාශයක් හඳුනා ගැනීමට හැකියාව ලැබුණා.
හෙට සුරකින අපේ ළමයි කියන තේමාව යටතේ පාසල් දරුවන් අතර විධිමත් තරගාවලියක් ආරම්භ කළ ලිට්රෝ සමාගමට මුලින්ම මේ තරඟාවලිය සඳහා අධ්යාපන අමාත්යාංශයෙන් ප්රමුඛ දායකත්වයක් ලැබුණා.
දිවයින පුරා පාසල් 264ක් එවගේම තරඟකරුවන් 1320ක් උණුසුම් තරග වට සිය ගණනක් සමගින් හෙට සුරකින අපේ ළමයි අන්තර් පාසල් දැනුම මිනුම හා කථික තරගාවලිය ආරම්භ වූ අතර අති සාර්ථක ආකාරයෙන් සමස්ත දිවයිනම ආවරණය කරමින් මේ තරගය පැවැත්වීමට ඔවුන්ට හැකියාව ලැබුණු බවත් සිහිපත් කළ යුතුයි.
කථික තරගය අවසන් වටය නියෝජනයේ කළේ තණමල්විල ජාතික පාසල සහ හොරණ රාජකීය විද්යාලයයි. පාසල් දෙක අතර පැවැති තියුණු තරගාවලියෙන් අනතුරුව අවසානයේ ජයග්රාහී කණ්ඩායම ලෙස අභිෂේක ලැබුවේ තණමල්විල ජාතික පාසලයි. එවගේම ජයග්රහනය ලැබූ කණ්ඩායම් සහ අනු ශූරතාවශූරතාවය ලැබූ කණ්ඩායම් වෙනුවෙන් ලිට්රෝ සමාගම ඉතාමත් වටිනා කියන ත්යාග ලබා දීමත් සිදු කළා.
ඉතින් මෙවැනි සමස්ත ලංකා මට්ටමෙ තරගයක් සංවිධානය කිරීම තුළින් ඇත්තටම ඉදිරි පරම්පරාවට එල්පී ගෑස් පරිභෝජනයේදී අනුගමනය කළ යුතු ක්රියා පටිපාටිය සහ ඒ තුළින් ලැබෙන ප්රතිලාභයන් පිළිබඳව මනා අවබෝධයක් ලබා ගැනීමට අවස්ථාව උදා වුණා.
එනිසාම ලිට්රෝ වැනි දැවැන්ත සමාගමක් අනාගතය වෙනුවෙන් මෙවැනි අති දැවැන්ත තරගාවලියක් සංවිධානය කිරීමෙන් සිදුකළ අනාගත ආයෝජනය අගය කළ යුතු අතරම මෙවැනි උදාර සංකල්පයන් යළි යළි ක්රියාවට නංවන්නට ලිට්රෝ සභාපතිත්වය ඇතුළු කාර්ය මණ්ඩලයට තව තවත් ශක්තිය ධෛර්යය ලැබේවා කියා අපි හදවතින්ම ප්රාර්ථනා කරන්නෙමු.
හෙට සුරකින අපේ ළමයි අන්තර්ජාතික දැනුම මිනුම සහ කථික තරඟාවලිය අති සාර්ථකව අවසන් වේ
Reviewed by thilinadanushka
on
October 27, 2023
Rating:
![හෙට සුරකින අපේ ළමයි අන්තර්ජාතික දැනුම මිනුම සහ කථික තරඟාවලිය අති සාර්ථකව අවසන් වේ](https://blogger.googleusercontent.com/img/b/R29vZ2xl/AVvXsEj47ibU8boDaufEJEnIhUttIrCMS0Aoo_Xg3FBLfiS8RU82TaHOvNxKvcuXSwnagvQhK0SW3VCuhwXTP97SOXh5QjM_Wg30NQSLbbdQtjf7fhJzCrndok5K9jZEIolzX20SzDPLT0HrNiQa7Tq71fD5txXqKL6BqOCXZW-dr459bn8v3npaNHxQbP7iJc8/s72-w640-c-h360/WhatsApp%20Image%202023-10-27%20at%2016.38.46.jpeg)
No comments: